చెవిలో చీముకు:

ఒక చిన్న గరిటెలో నువ్వులనూనె గానీ ఆవనూనె గానీ తీసుకొని మంటమీద గరిటెను పెట్టి వేడిచేస్తూ ఆ నూనెలో వెల్లుల్లి లోపలి గర్భం(పాయ/రెబ్బ)ఒకటి చిదిపి వేయాలి. అది నూనెవేడికి చిటపటమని కాగుతూ నల్లగా మాడగానే గరిటెను మంటనుండి తీసి గోరువెచ్చగా అయ్యేవరకూ పక్కన పెట్టి ఆ తరువాత వడపోసి ఆ నూనెలో దూదిని ముంచి చెవులలో రెండు పూటలా నాలుగైదు చుక్కలు పిండాలి. ఎప్పుడు పిండినా నూనె గోరువెచ్చగా వుండాలి. ఇలా చేస్తుంటే కొద్దిరోజుల్లోనే చెవులోచీము, చెవిపోటు, చెవుల్లో పురుగులు దూరడం వల్ల కలిగిన బాధ తగ్గిపోతయ్.