తెలుసుకుందాం:జాగృతి

అర్థరాత్రీ దాక  టీ.వీ.లు చూస్తూ
పొద్దు ఎక్కేదాక మొద్దు నిద్దురపో్తూ
ప్రకృతికె వ్యతిరేక జీవితము గడుపుతూ
ఇది గొప్ప ఫ్యాషను ఇది గొప్ప స్టైలని
పిచ్చి కూతలు బాగ కూశారయా
ఎన్నెన్నొ రోగాలతో ఎడ్చేరయా...

వంట ఇంట్లో ఎన్నో దినుసులున్నా గాని
ఏ దినుసు ఎందుకు ఉపయోగ పడుతుందో
తెలియనట్టీ ప్రజలు తెగులు బట్టిన ప్రజలు
దినుసులతో రోగాలు తగ్గుతాయా అంటూ
దీర్ఘాలు బాగా తీసేరయా
దీర్ఘ రోగాలతో కుమిలి కమిలేరయా

సీకాయ కుంకుడు ఇంట్లోనె వుంటాయి
వెంట్రుకలను చక్కగా పోషిస్తు వుంటాయి.
ఏ నష్టము లేని కుంకుడును వదిలేసి
వెంట్రుకలు తినివేయు షాంపూలు వాడుతూ
జుట్టు పోతుందంటు ఏడ్చేరయా
బట్ట బుర్రలతోడ బ్రతికేరయా..